ԵՐԵՎԱՆ, ՕԳՈՍՏՈՍԻ 26, 24News

2025/2026 մրցաշրջանի Իտալիայի Ա Սերիայի մեկնարկային տուրում «Ինտերը» սեփական հարկի տակ 5:0 հաշվով ջախջախել է «Տորինոյին»։ Այս մասին գրում է Armsport.am-ը։

«Ներաձուրիների» կազմում խաղին մասնակցել է հայ կիսապաշտպան Հենրիխ Մխիթարյանը, որը խաղադաշտ է դուրս եկել մեկնարկային կազմում և փոխարինվել 79-րդ րոպեին։

Sofascore վիճակագրական կայքը Մխիթարյանի խաղը գնահատել է 7.1 միավորով։ Նրա փոխանցումների ճշգրտությունը կազմել է 89% (39/44)։

Ամենաբարձր գնահատականը՝ 9.5, ստացել է «Ինտերի» պաշտպան Ալեսանդրո Բաստոնին։