ԵՐԵՎԱՆ, ՀՈՒԼԻՍԻ 22, 24News

«Ռեալ Սոսյեդադի» գլխավոր մարզիչ Սերխիո Ֆրանցիսկոն հայտարարել է, որ կիսապաշտպան Արսեն Զախարյանի մասին լսել է միայն դրական կարծիքներ և ցանկանում է հնարավորինս շուտ հանդիպել նրա հետ:

Անցած մրցաշրջանում 22-ամյա Զախարյանը տարբեր վնասվածքների պատճառով «Ռեալ Սոսյեդադի» կազմում մասնակցել է ընդամենը չորս հանդիպման՝ բոլոր մրցաշարերում, որոնց ընթացքում խփել է մեկ գոլ և կատարել մեկ գոլային փոխանցում:

– Ճիշտն ասած, ինձ ասում են, որ նա շատ լավ ֆուտբոլիստ է, բայց ես նրան գրեթե չեմ տեսել խաղադաշտում: Երբ մենք եկանք ակումբ, նա հիվանդ էր, հետո մկանային վնասվածք ստացավ, իսկ հիմա վերականգնվում է: Անհամբեր սպասում եմ, որ նա լիարժեք մարզվի թիմի հետ և հնարավորինս շուտ դառնա այն խաղացողը, ում ակումբը տեսնում է նրա մեջ: Նա պետք է դառնա ևս մեկ ֆուտբոլիստ, ով կօգնի մեզ, – Ֆրանցիսկոյի խոսքերն է մեջբերում Mundo Deportivo-ն:

Armsport