ՌՊԼ․ Սպերցյանի գոլն ու գոլային փոխանցումն օգնեց Կրասնոդարին հաղթել մեկնարկային տուրում

20/07/2025 19:33 Սպորտ

Ռուսաստանի Պրեմիեր լիգայի 2025/2026 մրցաշրջանի մեկնարկային տուրում «Կրասնոդարը» արտագնա խաղում 3:0 հաշվով հաղթանակ տարավ «Պարի Նիժնի Նովգորոդի» նկատմամբ:

Կազանի «Ակ Բարս Արենայում» կայացած խաղում գոլեր խփեցին Դիեգո Կոստան և Հայաստանի ազգային հավաքականի կիսապաշտպան Էդուարդ Սպերցյանը, ով նաև գոլային փոխանցում կատարեց: Սպերցյանը խաղը սկսեց մեկնարկային կազմում և փոխարինվեց 77-րդ րոպեին:

«Պարի Նիժնի Նովգորոդի» դարպասում ևս մեկ գնդակ հայտնվեց պաշտպան Վիկտոր Ալեքսանդրովի ինքնագոլի արդյունքում:

Հաջորդ տուրում՝ հուլիսի 26-ին, «Կրասնոդարը» սեփական հարկի տակ կընդունի Մոսկվայի «Լոկոմոտիվին»:

Աղբյուրը՝ Armsport.am:

–00—ՅՄ