ԵՐԵՎԱՆ, ՀՈՒԼԻՍԻ 3, 24News

«Լիվերպուլ»-ի և Պորտուգալիայի ֆուտբոլի ազգային հավաքականի հարձակվող Դիոգու Ժոտան մահացել է ավտովթարի հետևանքով։ «Արմենպրես»-ի փոխանցմամբ՝ այս մասին հայտնում է BBC-ն։ Վթարը տեղի է ունեցել հուլիսի 3-ի առավոտյան։

Ավտոմեքենան, որում եղել է նաև ֆուտբոլիստի 26-ամյա եղբայրը, դուրս է եկել ճանապարհահատվածից ու այրվել է։

Տարբեր աղբյուրների տեղեկություններով՝ պատճառներից մեկը կարող է լինել անվադողի վնասվելը։

Հունիսի 22-ին տեղի էր ունեցել Դիոգու Ժոտայի հարսանիքը։ Ֆուտբոլիստը նախկինում հանդես է եկել նաև անգլիական «Վուլվերհեմփթոն», պորտուգալական «Պորտու» և իսպանական «Աթլետիկո» ակումբներում։

Պորտուգալիայի հավաքականի կազմում հարձակվողը անց էր կացրել 49 խաղ՝ դառնալով 14 գոլի հեղինակ ու երկու անգամ հաղթելով Ազգերի լիգայում։

—00—ՄԱ