ԵՐԵՎԱՆ, ՀՈՒՆԻՍԻ 28, 24News

«Կրասնոդարի» սկաուտական բաժնի ղեկավար Մաքսիմ Բուզնիկինը խոսել է թիմի հայ կիսապաշտպան Էդուարդ Սպերցյանի՝ եվրոպական ակումբ հնարավոր տեղափոխության մասին։

«Չեմ կարող ասել, թե ինչ կարգի թվերի մասին է խոսքը։ Մենք կցանկանայինք, որ այն գերազանցեր 15 միլիոն եվրոն։ Բայց թե որքան հետաքրքիր է ռուսական շուկան հիմա, որքան լավ արևմտյան թիմեր են պատրաստ ներդրումներ անել այդ շուկայում, կիմանանք միայն առաջարկ ստանալուց հետո»,- ասել է Բուզնիկինը РИА Новости-ին տված հարցազրույցում։

Անցած մրցաշրջանում Հայաստանի հավաքականի խաղացողը «Կրասնոդարի» կազմում անցկացրել է 35 խաղ, խփել 11 գոլ և կատարել 7 գոլային փոխանցում։ Transfermarkt-ը 25-ամյա կիսապաշտպանի տրանսֆերային արժեքը գնահատում է 25 միլիոն եվրո։

–00—ՅՄ