ԵՐԵՎԱՆ, ՄԱՅԻՍԻ 20, 24News

«Match TV»-ի հաղորդավարուհի Յանա Ռոմաշկինան, որը «Լոկոմոտիվի» և Հայաստանի հավաքականի պաշտպան Նաիր Թիկնիզյանի կինն է, ասել է, որ իր ամուսինը շատ է անհանգստացած մոսկովյան ակումբում իր կարգավիճակի համար։

Երկուշաբթի օրը Տիկնիզյանը ԲԿՄԱ-ի հետ ՌՊԼ-ի 29-րդ տուրի խաղից (2:2) հետո լրագրողներին ասել է, որ գոհ չէ իր ստացած խաղաժամանակից և մրցաշրջանի ավարտից հետո կխնդրի երկաթուղայինների ղեկավարությանը բաց թողնել իրեն։

«Վերջին մեկ տարվա ընթացքում ես բազմիցս արցունքներ եմ տեսել ամուսնուս աչքերում՝ ակումբում նրա իրավիճակի, թիմում նրա անկայուն կարգավիճակի պատճառով։ Նա շատ անհանգստացած է։ Նաիրը գրեթե երբեք տանը չէ լինում, քանի որ անընդհատ մարզվում է։ Նաիրն ասում է, որ պետք է կատարելագործվի՝ ավելի շատ խաղաժամանակ ստանալու համար։ Նա սիրում է ֆուտբոլ, նա իր գործի երկրպագուն է։

Նրա՝ «Զենիթ» չտեղափոխվելու հիմնական գործոններից մեկը Միխայիլ Միխայլովիչ Գալակտիոնովն էր։ Այդ ժամանակ Նաիրը թիմի առաջատարն էր և ասում էր, որ չի ուզում հեռանալ այս մարզչից, որ Գալակտիոնովի հետ ուզում է հասնել չեմպիոնությանը։ Սակայն ամեն ինչ փոխվեց, երբ Նաիրը վնասվածք ստացավ «Բալտիկայի» հետ խաղում։

Չգիտեմ, թե երեկվա հարցազրույցը ինչպես կազդի ակումբում նրա կարգավիճակի վրա, բայց Նաիրն ունի մի բան, որը ոչ ոք չի կարող նրանից խլել՝ քրտնաջան աշխատանք և սեր աշխատանքի նկատմամբ։ Սրանով նա անպայման չի կորչի, և ես միշտ կաջակցեմ նրան»,- Ռոմաշկինայի խոսքերն է փոխանցում Match TV-ն։

Թիկնիզյանը 26 տարեկան է և միացել է «Լոկոմոտիվին» 2021 թվականին։ Ընդհանուր առմամբ, պաշտպանը թիմի կազմում անցկացրել է 122 խաղ և խփել 16 գոլ։

Armsport