ԵՐԵՎԱՆ, ՍԵՊՏԵՄԲԵՐԻ 11, 24News

ՀՀ վարչապետ Նիկոլ Փաշինյանը առաջիկա օրերին կայցելի Ռուսաստան և կհանդիպի Ռուսաստանի նախագահ Վլադիմիր Պուտինի հետ: Այս մասին ճեպազրույցի ժամանակ հայտարարել է խորհրդարանի խոսնակ Ալեն Սիմոնյանը:

«Կարծում եմ՝ պետության ղեկավարը չէր մեկնի Մոսկվա, եթե նման հանդիպում նախատեսված չլիներ: Պետության ղեկավարի այցը, լինի դա պաշտոնական, թե աշխատանքային, չի կարող տեղի ունենալ առանց նման հանդիպման», – պատասխանել է նա լրագրողի հարցին:

ՀՀ խորհրդարանի խոսնակը նաև որոշել է ավելացնել, որ կասկածներ ունի, որ Ռուսաստանը «այդքան էլ բարյացակամ չէ տրամադրված» Հայաստանի նկատմամբ:

–00—ՅՄ