ԵՐԵՎԱՆ, ՍԵՊՏԵՄԲԵՐԻ 9, 24News

ԱԺ նախագահ Ալեն Սիմոնյանը կարգադրություն է ստորագրել․

Ղեկավարվելով «Հայաստանի Հանրապետության Ազգային ժողովի պատգամավորի գործունեության երաշխիքների մասին» օրենքի 5-րդ հոդվածի 5-րդ մասով եւ Հայաստանի Հանրապետության աշխատանքային օրենսգրքի 209-րդ հոդվածով` կարգադրում եմ.

1. ԵԱՀԿ ԺՀՄԻԳ եւ ԵԽԽՎ համատեղ նախաձեռնությամբ կազմակերպվող ուսումնական այցին մասնակցելու համար 2025 թվականի հոկտեմբերի 13-18-ը Լոնդոն (Մեծ Բրիտանիայի եւ Հյուսիսային Իռլանդիայի Միացյալ Թագավորություն) գործուղել Ազգային ժողովի «Քաղաքացիական պայմանագիր» խմբակցության ղեկավար Հայկ ԿՈՆՋՈՐՅԱՆԻՆ, Հայաստան-Մեծ Բրիտանիա բարեկամական խմբի ղեկավար, Ազգային ժողովի պատգամավոր Էդուարդ ԱՂԱՋԱՆՅԱՆԻՆ, Ազգային ժողովի պետական-իրավական հարցերի մշտական հանձնաժողովի նախագահ Վլադիմիր ՎԱՐԴԱՆՅԱՆԻՆ, Ազգաին ժողովի պատգամավորներ Արծվիկ ՄԻՆԱՍՅԱՆԻՆ, Արուսյակ ՋՈՒԼՀԱԿՅԱՆԻՆ, Հասմիկ ՀԱԿՈԲՅԱՆԻՆ, Արման ՂԱԶԱՐՅԱՆԻՆ, Տարոն ՄԱՐԳԱՐՅԱՆԻՆ, Ազգային ժողովի աշխատակազմի ղեկավար-գլխավոր քարտուղար Դավիթ ԱՌԱՔԵԼՅԱՆԻՆ եւ Ազգային ժողովի աշխատակազմի իրավաբանական վարչության պետ Մարի ՍՏԵՓԱՆՅԱՆԻՆ:

2. Ընդունել ի գիտություն, որ գործուղման հետ կապված բոլոր ծախսերի վճարումը կատարում է հրավիրող կողմը: