ԵՐԵՎԱՆ, ՍԵՊՏԵՄԲԵՐԻ 1, 24News

2025 թվականի սեպտեմբերի 1-ին ԵԱՀԿ Մշտական ​​խորհուրդը որոշում ընդունեց դադարեցնել ԵԱՀԿ Մինսկի գործընթացը և դրան առնչվող կառույցները։ Այս մասին հայտնում է ԱՊԱ-ն՝ հղում անելով Ադրբեջանի ԱԳՆ-ին։

«Ըստ որոշման, որը հիմնված է Ադրբեջանի և Հայաստանի արտաքին գործերի նախարարների համատեղ նամակի վրա, որը ուղղված էր ԵԱՀԿ գործող նախագահին 2025 թվականի օգոստոսի 8-ին Վաշինգտոնում կայացած Ադրբեջանի նախագահի և Հայաստանի վարչապետի հանդիպման ժամանակ՝ ԱՄՆ նախագահի մասնակցությամբ, 2025 թվականի սեպտեմբերի 1-ից դադարեցվում են ԵԱՀԿ Մինսկի գործընթացի, ԵԱՀԿ գործող նախագահի անձնական ներկայացուցչի՝ Մինսկի համաժողովի շրջանակներում քննարկվող հակամարտության վերաբերյալ, ինչպես նաև Բարձր մակարդակի պլանավորման խմբի գործունեությունը։

ԵԱՀԿ քարտուղարությանը հանձնարարվել է ավարտել այդ կառույցների փակման հետ կապված բոլոր կազմակերպչական և տեխնիկական հարցերը ոչ ուշ, քան 2025 թվականի դեկտեմբերի 1-ը։

Որոշմամբ նաև ճանաչվում են ուժը կորցրած և անվավեր ԵԱՀԿ շրջանակներում հայ-ադրբեջանական հակամարտությանը վերաբերող բոլոր նախկինում ընդունված փաստաթղթերը»։

–00—ՅՄ