ԵՐԵՎԱՆ, ՕԳՈՍՏՈՍԻ 29, 24News

Իրանի խորհրդարանը դեմ է արտահայտվել այսպես կոչված «Զանգեզուրի միջանցքին»՝ նշելով, որ այն սպառնալիք է ներկայացնում անվտանգության համար, հայտնում է «Tasnim»-ը։

«Ճանաչված սահմանները փոխելու, պարտադրված միջանցքներ ստեղծելու կամ Զանգեզուրի միջանցքի նման նախագծեր իրականացնելու ցանկացած գործողություն անհամատեղելի կլինի տարածաշրջանի երկրների շահերի հետ և կդառնա կոլեկտիվ անվտանգության համար ուղղակի սպառնալիք», – ասված է Իրանի խորհրդարանի հայտարարության մեջ։

Հայտարարության մեջ նշվում է, որ Իրանը իրեն իրավունք է վերապահում անվտանգության և ազգային շահերի դեմ ոտնձգության դեպքում օգտագործել բոլոր քաղաքական, իրավական և օրինական հնարավորությունները:

«Հարավային Կովկասը կենսական նշանակություն ունի ոչ միայն անվտանգության ապահովման տեսանկյունից, այլև որպես կարևոր էներգետիկ, տարանցիկ և տնտեսական միջանցք Իրանի և տարածաշրջանի համար»,- ասված է հայտարարության մեջ։

–00—ՅՄ