ԵՐԵՎԱՆ, ՕԳՈՍՏՈՍԻ 27, 24News

Սահմանադրության հարցը Վաշինգտոնում չի քննարկվել։ Այս մասին Հանրային հեռուստատեսությանը տված հարցազրույցում ասել է ՀՀ ԱԳ նախարար Արարատ Միրզոյանը։

«Մենք որևէ երրորդ երկրի առջև մեր սահմանադրությունը փոխելու պարտավորություն չունենք»,- ասել է Միրզոյանը։

Հիշեցնենք, որ Ադրբեջանի նախագահ Իլհամ Ալիևը Վաշինգտոնում նախաստորագրված խաղաղության պայմանագրից հետո բազմիցս հայտարարել էր, թե փաստաթուղթը կարող է ամբողջապես վավերացվել այն բանից հետո, երբ ՀՀ-ն փոխի իր Սահմանադրությունը։

Ըստ նրա, Սահմանադրության մեջ կա «Ադրբեջանի տարածքային ամբողջականության նկատմամբ պահանջ»։ Հայաստանի իշխանություններն էլ, որոնք օկուպացված Արցախն ընդունել են իբրև «Ադրբեջանի մաս», ի պատասխան հայտարարում են, թե ցանկանում են փոխել Սահմանադրությունը, բայց ոչ իբր Ալիևի պահանջով։

–00—ՅՄ