ԵՐԵՎԱՆ, ՕԳՈՍՏՈՍԻ 1, 24News

Սամվել Ֆարմանյանը գրում է. «Երբ այս իշխանությունը հեռացվի, Նիկոլի ու նրա թիմի կոռուպցիոն բնույթի հանցագործությունների բացահայտումները մեր ժողովրդին Սանտա Բարբարա սերիալն են հիշեցնելու: Սկսվելու ու չեն ավարտվելու:

Ամենաթարմ օրինակը՝ 6 մլն. դոլար են ծախսել պետական բյուջեից Ջենիֆեր Լոպեսի երևանյան համերգի համար: Մտեք համացանց կամ հարցրեք ChatGPT-ին, թե ինչ արժի Ջեյ Լոյի մեկ օրվա համերգի հոնարարը: Կստանաք պատասխան՝ 1-1.5 մլն. դոլար:

Ընդ որում, համերգն էլ բնավ անվճար ու բացօթյա չէ: Համերգ գնացողները տոմսերը ձեռք են բերել աստղաբաշխական գնով: Իսկ թե իր հերթին ուր են գնալու արդեն տոմսերի վաճառքից ստացված միլիոնները ևս անհայտ է:

44-օրյա պատերազմը ուղիղ եթերում կեղծած ֆոկուսնիկի համար ի՞նչ մի բարդ բան է 1-1.5 մլն. դոլարը «հերոս հարկատուների» վրա 6 մլն դոլարով նաղդելը:

Հ.Գ. Իմ կողմից այս և այլ հարթակներում արտահայտված քաղաքական տեսակետները բացառապես իմն են և որևէ առնչություն չունեն իմ գիտական ու մանկավարժական ներգրավման կամ դասավանդման հետ։

Դրանք որևէ կերպ չեն արտահայտում և անգամ չեն ակնարկում իմ գործատուի՝ Հայաստանի ամերիկյան համալսարանի պաշտոնական դիրքորոշումը. ՀԱՀ-ը քաղաքական որևէ դիրքորոշում և կողմնակալություն չունի կուսակցական կամ քաղաքական հարցեր»:

—00—ՄԱ