ԵՐԵՎԱՆ, ՀՈՒԼԻՍԻ 24, 24News

Արևմուտքը փորձում է հայ-ադրբեջանական հարաբերությունների կարգավորումը դուրս բերել տարածաշրջանային հարթությունից։ Այս մասին հայտարարել է ՌԴ ԱԳՆ ներկայացուցիչ Մարիա Զախարովան։

«Բրյուսելի բարի մտադրությունների ներքո դա զուտ օպորտունիստական խնդիր է։ Արևմուտքը ձգտում է Բաքվի և Երևանի միջև հաշտեցման գործընթացը տեղափոխել սեփական հուն՝ ևս մեկ անգամ քաղաքական հաջողություններ հայտարարելու համար», – ասաց նա։

Ռուսաստանի արտաքին գործերի նախարարության պաշտոնական ներկայացուցիչը նշեց, որ այդ ընթացքում Հարավային Կովկասի երկու երկրները փորձում են ինքնուրույն, իրենց հարևանների (Ռուսաստան, Իրան, Թուրքիա) աջակցությամբ գալ կառուցողական, կոնսենսուսային որոշումների, որոնք բազմիցս նպաստել են նրանց հաշտեցմանը կամ սուր կոնֆլիկտային իրավիճակների լուծմանը։

—00—ՄԱ