ԵՐԵՎԱՆ, ՀՈՒԼԻՍԻ 6, 24News

Փաշինյանը զգում էր, որ այն փակուղին, որով նա տանում էր Հայաստանին և հայ ժողովրդին, պահանջում էր նոր զոհողություններ։ Ի վերջո, շատ բարձր գին էր պետք վճարել հայ ժողովրդի գիտակցությունը շրջելու, Ադրբեջանի և Թուրքիայի հետ համագործակցելու և Հայաստանը Ռուսաստանից դեպի Արևմուտք վերակողմնորոշելու համար։ Եվ այս գինը անընդհատ աճում էր։ Այս մասին «Московский комсомолец» պարբերականին տված հարցազրույցում հայտարարել է Պետդումայի ԱՊՀ գործերի, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինը։

Նրա խոսքով, անհրաժեշտ էր զոհաբերել Ռուսաստանի հետ հարաբերությունները՝ որպես հայերի ավանդական պաշտպանի և հովանավորի, հրաժարվել Հայաստանի հերոսական պատմությունից, Օսմանյան կայսրությունում հայերի ցեղասպանության հիշողությունից։ Անհրաժեշտ էր զոհաբերել հայերի ավանդական կրոնը, հրաժարվել Հայ Առաքելական Եկեղեցու նկատմամբ հարգանքից։

«Փաշինյանի խոսքով՝ սա անհրաժեշտ էր հայ ժողովրդին բարու և չարի մասին նախկին պատկերացումներից պոկելու և Հայաստանը Ռուսաստանի հակառակորդների գիրկը բերելու համար։ Չնայած, օրինակ, Հունաստանն իր ուղղափառությամբ լեզու է գտնում Արևմուտքի հետ։ Եվ, կարծես, ոչ ոք չի պատրաստվում չեղարկել ուղղափառ «կոդը» հույն ժողովրդի պատմության մեջ։

Փաշինյանը, իմ կարծիքով, նաև տարված է հալածանքի մոլուցքով, ինչը բոլորովին էլ տարօրինակ չէ՝ հաշվի առնելով, թե որքան շատ բան է նա արել։ Հայ ժողովրդին այդքան շատ խնդիրներ բերած մարդը չի կարող չանհանգստանալ իր ապագայի համար։ Ամենավատ սցենարները կանխելու համար նա փորձում է կանխարգելիչ հարվածներ հասցնել նրանց, ում համարում է իր թշնամիներ, ովքեր, նրա վստահությամբ, համակրանք են վայելում Ռուսաստանում։ Եվ նրա կարծիքով, Ռուսաստանը միշտ մեղավոր է ամեն ինչի համար»,- ասել է Զատուլինը։

–00—ՅՄ