ԵՐԵՎԱՆ, ՀՈՒԼԻՍԻ 4, 24News

Շվեդիայի խորհրդարանի պատգամավոր Էրիկ Հելսբորնի կարծիքով՝ Իսրայելի ու Իրանի միջև վերջերս տեղի ունեցած 12-օրյա պատերազմը կարող է բացասական ազդեցություն ունենալ Հայաստանի հետ խաղաղության համաձայնագրի ստորագրման շուրջ Ադրբեջանի պատրաստակամության վրա։

Շվեդ պատգամավորը նման կարծիք է արտահայտել «Արմենպրես»-ի թղթակցի հետ զրույցում՝ անդրադարձ կատարելով Հայաստանի ու Ադրբեջանի միջև խաղաղության համաձայնագրի շուրջ բանակցությունների ավարտի և դրա շուտափույթ ստորագրման հեռանկարներին։

Զրույցի ընթացքում Էրիկ Հելսբորնը խոսել է նաև Հայաստանի ու Եվրոպական միության միջև կապերի աննախադեպ զարգացման, ու դրանց հետագա ընդլայնման հնարավորությունների մասին։

Խոսելով Երևանի ու Բաքվի միջև դեռևս մարտ ամսին համաձայնեցված համաձայնագրի ստորագրման հավանականությունից՝ շվեդ պատգամավորը կարծիք է հայտնել, որ Իսրայելի ու Իրանի միջև վերջին ռազմական էսկալացիան կարող է բացասական ազդեցություն ունենալ համաձայնագրի շուտափույթ ստորագրման վերաբերյալ Ադրբեջանի պատրաստակամության վրա։

Հելսբորնը նաև կարծիք է հայտնել, որ Թել Ավիվի ու Թեհրանի միջև պատերազմից հետո Իրանի՝ ռազմական կարողությունների առումով որոշակիորեն թուլանալը կարող է Բաքվի համար առիթ հանդիսանալ Հայաստանից նոր տարածքներ օկուպացնելու համար։

Մանրամասն՝ սկզբնաղբյուր կայքում։

–00—ՅՄ