ԵՐԵՎԱՆ, ՀՈՒՆԻՍԻ 30, 24News

Ադրբեջանի ոստիկանությունը հանել է Բաքվում գտնվող «Sputnik Ադրբեջան» լրատվական գործակալության գրասենյակի մուտքի շրջափակումը։

Հայտնում է «ՌԻԱ Նովոստի»-ի թղթակիցը՝ նշելով, որ այս պահին շենքի դիմաց հերթապահում են պարեկային ծառայության աշխատակիցներ։

Նշենք նաև, որ «Sputnik Ադրբեջանի» ավելի քան 10 աշխատակից դեռ գտնվում է Բաքվի գրասենյակում։

Այսօր ավելի վաղ Ադրբեջանի ներքին գործերի նախարարությունը հայտարարել է Բաքվի «Sputnik Ադրբեջանի» գրասենյակում հատուկ գործողության մասին:

Ավելի ուշ հաղորդվեց, որ Ադրբեջանի անվտանգության ուժերը ձերբակալել են լրագրողներին:

—00—ՍՊ