ԵՐԵՎԱՆ, ՀՈՒՆԻՍԻ 10, 24News

ՌԴ ԱԳՆ պաշտոնական ներկայացուցիչ Մարիա Զախարովան կոչ է արել կոնտեքստից չկտրել Մեդինսկու խոսքերը ԼՂ-ի մասին և չտալ դրանց «բոլորովին այլ իմաստ», փոխանցում է ՏԱՍՍ-ը։

Նա ընդգծել է, որ Ռուսաստանը պաշտոնապես ճանաչում է Ղարաբաղը որպես Ադրբեջանի տարածք։

Զախարովան նշել է, որ Ղարաբաղի մասին իր մեկնաբանության մեջ Մեդինսկին խոսել է իրավիճակի պատմական կողմի և սոցիալ-մշակութային առանձնահատկությունների մասին։

Հիշեցնենք՝ ավելի վաղ ՌԴ նախագահի օգնական Վլադիմիր Մեդինսկին ուկրաինական կարգավորման համատեքստում բերել էր Լեռնային Ղարաբաղի օրինակը։ RT-ին տված հարցազրույցում նա նշել է՝ եթե ամբողջ ռազմաճակատի երկայնքով հակամարտությունը դադարեցվի, կնքվի ինչ-որ տեսակի զինադադար, այս տարածաշրջանը կվերածվի հսկայական Ղարաբաղի։

–00—ՅՄ