ԵՐԵՎԱՆ, ԱՊՐԻԼԻ 29, 24News

Այս պահին Երևան քաղաքի ընդհանուր իրավասության քրեական դատարանի Շենգավիթի նստավայրում իրավապահ մարմինները գործողություններ են կատարում․ ընթանում է խուզարկություն: Այս մասին 24News-ի հետ զրույցում ասաց Հակակոռուպցիոն կոմիտեի խոսնակ Մարինա Օհանջանյանը՝ այլ մանրամասներ չհայտնելով։

Ըստ մամուլի տեղեկությունների բերման է ենթարկվել նույն դատարանի դատավոր Արտուշ Գաբրիելյանը և նրա օգնականը։

Դատական դեպարտամենտից 24News-ին փոխանցեցին, որ տեղեկությունը ճշտում են, այս պահին մեկնաբանություն չունեն։

Գաբրիելյանի նախագահությամբ ընթացող նիստը ընդմիջվել է, այնուհետև նրան ու օգնականին գետնին տապալելով բերման են ենթարկել։ ԱԱԾ-ից ևս այս պահին որևէ տեղեկություն չփոխանցեցին։

24News-ի տեղեկությունների համաձայն խոսքը վերաբերում է ենթադրյալ կաշառքի գործին։

Մերի Մանուկյան

–00–ԱՀ