ԵՐԵՎԱՆ, ԱՊՐԻԼԻ 24, 24News

Հունաստանի ՊԱՍՈԿ (Համահունական սոցիալիստական շարժում) կուսակցության նախագահ Նիկոս Անդրուլակիսը հայտարարությամբ անդրադարձել է  Հայոց ցեղասպանության 110-րդ տարելիցին՝ նշելով, որ «մեր պարտքն է մշտապես պայքարել պատմական հիշողության պահպանման և հայերի, ասորիների և Փոքր Ասիայի և Պոնտոսի ողջ հույն բնակչության ցեղասպանության ժամանակ կատարված հանցագործությունների միջազգային ճանաչման համար։ Սա միակ երաշխիքն է, որ մենք՝ որպես մարդկություն, պետք է կանխենք դրանց կրկնությունը ապագայում»:

«Արմենպրես»-ի հաղորդմամբ՝ կուսակցության նախագահի՝ X-ի միկրոբլոգում հրապարակված հայտարարության մեջ ասվում է. «Այս տարի մենք հարգում ենք Հայոց ցեղասպանության սկզբի 110-րդ տարելիցը։ Անկում ապրող Օսմանյան կայսրությունում հայերը, ասորիները և Փոքր Ասիայի և Պոնտոսի հունական բնակչությունը դարձան երիտթուրքական շարժման համակարգված բնաջնջման արշավի զոհը:

Ավելին՝ սկզբնաղբյուրում։