ԵՐԵՎԱՆ, ԱՊՐԻԼԻ 24, 24News

Հայաստանը դուրս չի եկել Հավաքական անվտանգության պայմանագրի կազմակերպությունից (ՀԱՊԿ), Երևանի անդամակցությունը դադարի վրա է։ Այս մասին հայտարարել է ՀԱՊԿ գլխավոր քարտուղար Իմանգալի Տասմագամբետովը։

Նրա խոսքով, կողմերի միջև պահպանվում են աշխատանքային շփումները, և Հայաստանը տեղեկացված է քարտուղարությունում քննարկված բոլոր հարցերի մասին։

«Անկեղծ ասած, Հայաստանը չի հեռացել, նա դադարեցրել է իր մասնակցությունը կազմակերպության աշխատանքներին»,- ասել է Տասմագամբետովը։

Նա պարզաբանել է, որ ՀԱՊԿ-ը հասկանում է Հայաստանի որոշումները։ Նրա խոսքով, կազմակերպությանը երկրի հետագա մասնակցությունը Հայաստանի քաղաքական ղեկավարության որոշումն է (մեջբերում է ՌԻԱ Նովոստին)։

–00—ՅՄ