ԵՐԵՎԱՆ, ՄԱՐՏԻ 20, 24News
Կառավարությունն առաջարկում է մեկուսցաման կամ ինքնամեկուսացման պահանջերը խախտելու դեպքում սահմանել վարչական պատասխանատվություն՝ նվազագույն աշխատավարձի 300-ապատիկից մինչև 500-ապատիկի չափով։
«Ֆիզիկական և իրավաբանական անձանց կողմից արտակարգ դրության ժամանակ սահմանված տեղեկությունների հրապարակման կամ տարածման սահմանափակումների խախտելը առաջացնում է տուգանք՝ նվազագույն աշխատավարձի 50-ապատիկից մինչ 300-ապատիկի չափով», - ԱԺ արտահերթ նիստում ՀՀ քրեական օրենսգրքում և Վարչական իրավախախտումների վերաբերյալ ՀՀ օրենսգրքում լրացումներ կատարելու մասին նախագծի քննարկման ժամանակ ասաց արդարադատության փոխնախարար Վահե Դանիելյանը։
Քրեական օրեսնգրքում առաջարկվում է կատարել հետևյալ լրացումը։
«Արտակարգ դրության ժամանակ մեկսացման կամ ինքնամեկուսացման պահանջները խախտելը, որը անզուշությամբ առաջացրել է մարդկանց զանգվածային հիվանդացում, պատժվում է կալանքով միչև 3 ամիս ժամկետով կամ ազատազրկմամբ առավելագույնը մինչև 5 տարի ժամկետով», - ասաց նա։