Եվս մեկ անգամ կոչ ենք անում չտարածել խուճապ հանրության շրջանում․ ՀՀ ԱՆ

ԵՐԵՎԱՆ, ՓԵՏՐՎԱՐԻ 29, 24News

Առողջապահության նախարարության մամուլի խոսնակը ֆեյսբուքյան իր էջում անդրադարձել է լրատվամիջոցում հրապարակված տեսանյութին։ Խոսքը, մասնավորապես, վերաբերում է «հատուկ պաշտպանիչ հանդերձանքով» շտապօգնության աշխատակիցներին։

«Իրականում մեքենան պատկանում է ՀՀ ԱՆ հիվանդությունների և վերհասկման ազգային կենտրոնին և վերջինիս մասնագետներն են իրականացնում աշխատանքները։

Արդեն իսկ հայտարարվել է, որ Իրանից ժամանած բեռնատարների վարորդների նկատմամբ իրականցվում է վերահսկման գործընթաց, ապահովվում է մեկուսացում, առողջական վիճակի զննում և եթե հայտնաբերվեն ախտանշաններ նաև կիրականացվի հոսպիտալացում և թեստավորում։ Տվյալ դեպքով հոսպիտալացում չի իրականացվել։

Եվս մեկ անգամ կոչ եմ անում չտարածել խուճապ հանրության շրջանում և նման «նյութեր» հրապարակելուց առաջ կապ հաստատել լիազոր մարմնի հետ։

Հատուկ շնորհակալություն այն լրատվամիջոցներին, որոնք մինչ հրապարակումը դեպքի մանրամասները ճշտեցին ինձ հետ»,- ասված է գրառման մեջ։