ԵՐԵՎԱՆ, ՓԵՏՐՎԱՐԻ 13, 24News
Բանակում զինծառայողների ինքնասպանության դեպքերն ուսումնասիրելու համար պետք է քննիչ հանձնաժողով ստեղծել, ուսումնասիրել ինքնասպանությունների պատճառը։ Այս մասին Ազգային ժողովում լրագրողներին ասել է «Բարգավաճ Հայաստան» խմբակցության ղեկավար Գագիկ Ծառուկյանը։
«Շատ ցավալի է, շատ վատ է, անմիջապես պետք է ուսումնասիրվի, ովքեր են ինքնասպանության դրդողները, գոնե երկուսը մասսայական պիտի պատժվեն: Պատկերացրեք ծնողը երեխային պատրաստ է ուղարկել բանակ, ու գնա երեխան, ինչ աստիճանի նրան հասցնեն, որ ինքնասպանություն գործի: Օրերս հաճախակի են լինում նման դեպքեր: Սա լուրջ խնդիր է, պետք է անմիջապես ուշադրություն դարձնեն, քննիչ հանձնաժողով ստեղծեն, ուսումնասիրեն՝ ինչն է պատճառը, որ լուծեն այդ խնդիրը», - ասել է Ծառուկյանը։