Առատ ձյան պատճառով որոշ ավտոճանապարհներ փակ կլինեն

ԵՐԵՎԱՆ, ՓԵՏՐՎԱՐԻ 4, 24News   

փակ ճանապարհներ

ՀՀ ճանապարհային ոստիկանությունը հայտնում է, որ  առատ ձյան և անբավարար տեսանելիության պատճառով քաղաքացիների անվտանգությունն ապահովելու նպատակով որոշ ավտոճանապարհներ փակ կլինեն։ 

«Հարգելի՛ վարորդներ, զգուշացնում ենք, որ առատ ձյան և անբավարար տեսանելիության պատճառով քաղաքացիների անվտանգությունն ապահովելու նպատակով, Ճանապարհային ոստիկանությունը համաձայնեցնելով ՀՀ տարածքային կառավարման և ենթակառուցվածքների նախարարության հետ, ժամը 16.45-ից արգելելու է երթևեկությունը Սևան-Դիլիջան ավտոճանապարհին, Սևանի թերակղզուց-Դիլիջան քաղաքի շրջանաձև խաչմերուկ:
Ելնելով վերը նշվածից` առաջարկվում է օգտվել շրջանցիկ ճանապարհից` Վանաձորով»,- ասված է ոստիկանության տարածած հաղորդագրությունում: