Ապարանի բնակարաններից մեկում տեղի է ունեցել գազի արտահոսք, հրդեհ է բռնկվել

ԵՐԵՎԱՆ, ՀՈւՆՎԱՐԻ 18, 24News       

Հայաստանի ԱԻՆ-ում, այսօր՝ հունվարի 18-ին, ժամը 16:25-ին 911 ահազանգման կենտրոն ահազանգ է ստացվել, որ Արագածոտնի մարզի Ապարան քաղաքի Պարույր Սեւակի փողոցի տներից մեկում գազի բալոնից տեղի է ունեցել արտահոսք՝ հրդեհի բռնկմամբ. բալոնը տեղափոխվել է բակ:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Հովակիմյան փողոցի տներից մեկում 5 կգ-ոց գազի բալոնից տեղի է ունեցել արտահոսք՝ հրդեհի բռնկմամբ:

Հրդեհը մեկուսացվել է ժամը 16:31-ին, մարվել` 16:33-ին: Այրվել է արտահոսած գազը:

Փրկարարներն իրականացրել են հերթապահություն մինչ գազի բալոնի պարունակության պարպվելը: