ԵՐԵՎԱՆ, ԱՊՐԻԼԻ 1, 24News
Պրոֆեսիոնալ բռնցքամարտի համահայկական ֆեդերցիայի հրավերով WBC հայաստանյան գրասենյակի համահիմնադիր, մեքսիկաբնակ գործարար Արմենակ Երիցյանի հետ Հայաստան են ժամանել Մեքսիկայի սենատի պատգամավորներ ու պաշտոնատար անձինք։ Այդ մասին հայտնում է ՊԲՀՖ մամուլի ծառայությունը։
Մեքսիկայի սենատում Հայոց ցեղասպանությունն ընդունելու գործում մեծ դեր ունեցած հյուրերը նշել են, որ ուրախ են Երևան ժամանելու կապակցությամբ և հայտնել, որ պրոֆեսիոնալ բռնցքամարտը հայ–մեքսիկական բարեկամությունը կապող մեծ օղակ է։
Մեքսիկացի պաշտոնյաները կլինեն Հայաստանի տեսարժան վայրերում, ներկա կլինեն պրոֆեսիոնալ բռնցքամարտիկների մարզմանը։
--00—ՍՊ