Ի՞նչ էր իրականում տեղի ունեցել ՊՆ ենթասպայի հետ. նա գերի չէր ընկել

ԵՐԵՎԱՆ, ՄԱՐՏԻ 22, 24News

նկար

Հայաստանի պաշտպանության նախարարությունը չորեքշաբթի՝ առավոտյան, հաղորդագրություն տարածեց առ այն, որ ՊՆ պայմանագրային զինծառայող Մ. Գյուլնաբարյանը, որի հետ Սև Լճի տարածքում կապը կորել էր, որոնողափրկարարական աշխատանքների արդյունքում հետ է վերադարձել, նրա կյանքին ոչինչ չի սպառնում։

Լրատվամիջոցները, հղում անելով իրենց աղբյուրներին ու Գորիսում և Խնձորեսկում զրուցակիցներին, գրում էին, որ ամենայն հավանականությամբ Գյուլնաբարյանն առևանգվել է ադրբեջանցիների կողմից։

24News-ի ունեցած տեղեկությունների համաձայն՝ ՊՆ պայմանագրայինը հայտնվել է ադրբեջանական վերահսկողության տակ անցած, սակայն ՀՀ սուվերեն տարած հանդիսացող հատվածում մառախուղի պատճառով։ Վերջինիս հեռախոսն աշխատել է, նրա հետ հնարավոր է դարձել մի քանի անգամ կապ հաստատել այն ժամանակ, երբ նա արդեն ադրբեջանական վերահսկողության տարածքում էր։ Գիշերն անցկացնելով թաքնված վիճակում՝ Գյուլնաբարյանն առավոտյան շուտ կարողացել է կողմնորոշվել տարածքում այն ժամանակ, երբ մառախուղն անցել է ու աննկատ վերադառնալ մեր դիրքեր։

--00—ԼՄ