ԵՐԵՎԱՆ, ՄԱՐՏԻ 2, 24News
Ադրբեջանի նախագահ Իլհամ Ալիևը Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսիի հետ հանդիպմանը Հայաստանի Մեծամորի ԱԷԿ-ն անվանել է սպառնալիք ամբողջ տարածաշրջանի համար: Այս մասին հայտնում է Ադրբեջանի նախագահի մամուլի ծառայությունը։
Ալիևն ընդգծել է, որ Մեծամորի ատոմակայանի գործունեությունը մեծ վտանգ է ներկայացնում Ադրբեջանի, Թուրքիայի և ամբողջ տարածաշրջանի համար։ Ադրբեջանի ղեկավարն ընդգծել է, որ ատոմակայանն աշխատում է հին տեխնոլոգիաներով, ունի լուրջ տեխնիկական խնդիրներ։
Ալիևը նաև նշել է, որ մտահոգիչ է Մեծամորի ատոմակայանի միջուկային որոշ նյութերի անօրինական առևտուրը։
--00—ՅՄ