Արամ Ա կաթողիկոսը գումար է հատկացրել Հալեպի հայությանը, Ազգային առաջնորդարանը 7 ապաստան է հատկացրել

ԵՐԵՎԱՆ, ՓԵՏՐՎԱՐԻ 8, 24News

նկար

Մեծի Տանն Կիլիկիո Արամ Ա կաթողիկոսը փետրվարի 6-ին ողջ օրը Սիրիայի հայ համայնքի հոգևոր ու աշխարհական պատասխանատուների հետ մնայուն կապի մեջ է եղել՝ մոտիկից հետևելով երկրաշարժի վնասներին ու փլատակներին, հաղորդում է «Ազդակը»:

Ստացված տեղեկությունների համաձայն՝ մինչ այս պահը ունենք 4 հայ զոհ. հատկապես Հալեպի մեջ բավական նյութական վնասներ են գրանցվել։ Լաթաքիայի և Քեսաբի վնասները հարաբերականորեն ավելի նվազ են։

Հալեպի մեջ Ազգային առաջնորդարանը եւ համայնքի ղեկավարությունը պատրաստել է 7 հատուկ կենտրոններ, որպեսզի ժողովուրդը ապաստան գտնի ավելի ապահով պայմաններում։

Կիլիկիո Ս. Աթոռի կողմից, վեհափառ հայրապետը գումար է հատկացրել Հալեպի հայությանը՝ հիշյալ կենտրոններչում ապաստանած մեր ժողովրդի զավակների սննդաբաշխումի աշխատանքների համար։

Արամ Ա. Կաթողիկոսը հատուկ նամակ է հղել Սիրիայի Հանրապետության նախագահ Բաշար Ասադին՝ իր ցավակցությունն ու զորակցությունը հայտնելով Սիրիայի ժողովրդին։

--00—ԼՄ