ԵՐԵՎԱՆ, ՓԵՏՐՎԱՐԻ 7, 24News
Թուրքիայի ընդդիմադիր քրդամետ «Ժողովուրդների դեմոկրատական կուսակցության» (ԺԴԿ-HDP) նախկին համանախագահ, այժմ բանտարկված Սելահաթթին Դեմիրթաշը սոցցանցում անդրադարձել է Թուրքիայում տեղի ունեցած ավերիչ երկրաշարժին, գրում է Ermenihaber.am-ը։
Նա իր դժգոհությունն է հայտնել Թուրքիայի իշխանությունների աշխատանքից: Դեմիրթաշը Թուրքիայի զինված ուժերին կոչ է արել իրենց տրամադրության տակ գտնվող մեքենաները և սարքավորումները ներգրավվել փրկարարական աշխատանքներում:
«Վաղն արդեն շատ ուշ կլինի»,- ասել է Դեմիրթաշը՝ հավելելով, որ կառավարությունը պիտի կազմակերպի այն կամավորների աշխատանքները, ովքեր ցանկանում են մասնակցել փրկարարական աշխատանքներին: Թուրքական մամուլի ուշադրության կենտրոնում է հայտնվել այն միտքը, որը Դեմիրթաշն արտահայտեկ է իր գրառման մեջ. «Եկել է համերաշխության ժամանակը»:
--00—ԶՀ