Մեր ամենօրյա աշխատանքով, ուժերի գերլարումով մշտապես լինելու ենք բանակի կողքին․ Հրաչյա Սարգսյան

ԵՐԵՎԱՆ, ՀՈՒՆՎԱՐԻ 28, 24News

252415.jpg

Երևանի քաղաքապետ Հրաչյա Սարգսյանը բանակի օրվա առիթով շնորհավորական ուղերձ է հղել, որում ասված է․

«Սիրելի՛ հայրենակիցներ,

Հայոց բանակի հրամանատարներ և զինվորներ,

Շնորհավորում եմ մեր պետականության ամենանշանակալից տոներից մեկի՝ Հայոց բանակի կազմավորման օրվա առթիվ:

Երևանի քաղաքապետարանի և անձամբ իմ անունից վստահեցնում եմ, որ մեր ամենօրյա աշխատանքով, ուժերի գերլարումով մշտապես լինելու ենք բանակի կողքին՝ քաջ գիտակցելով, որ մայրաքաղաքի, համայնքների, երկրի զարգացումն ու տնտեսական առաջընթացը, արդար ու ժողովրդավար պետության կառուցումը առանցքային նշանակություն ունեն բանակի զորացման, նաև՝ խաղաղության և անվտանգության ամրապնդման գործում:

Տոկոնություն ու կամք եմ մաղթում մեր բանակին և զինվորականներին, խաղաղ երկինք ու բարօրություն ողջ հայ ժողովրդին՝ Հայաստանում, Արցախում և Սփյուռքում»:

--00—ԶՀ