2022թ. ընթացքում ոստիկանության ծառայողների նկատմամբ կիրառվել են 238 կարգապահական տույժեր

ԵՐԵՎԱՆ, ՀՈՒՆՎԱՐԻ 27, 24News

timthumb

2022 թ. ընթացքում ՀՀ ոստիկանության ներքին անվտանգության վարչությունում կատարվել են 623 ծառայողական քննություններ և ուսումնասիրություններ: Այս մասին տեղեկանում ենք ՀՀ ոստիկանության պաշտոնական կայքից։

Կատարված ծառայողական քննությունների արդյունքներով ոստիկանության ծառայողների նկատմամբ կիրառվել են 238 կարգապահական տույժեր, այդ թվում՝

- հայտարարվել է «Նկատողություն»` 81,

- հայտարարվել է «Խիստ նկատողություն»` 119,

- պաշտոնն իջեցվել է մեկ աստիճանով՝ 8,

- կոչումն իջեցվել է մեկ աստիճանով՝ 3,

- ազատվել են ոստիկանությունում ծառայությունից` 27:

ՀՀ ոստիկանության ծառայողների թույլ տված օրինախախտումների փաստերով ներքին անվտանգության վարչության կողմից նախապատրաստվել և նախաքննական մարմինների քննարկմանն են ուղարկվել ծառայողական քննությունների 52 նյութեր: Դրանցից`

- 2-ով նյութերը քննարկման փուլում են,

- 8-ով քրեական գործ հարուցելը մերժվել է,

- 42-ով հարուցվել են քրեական գործեր, որոնցից`

7-ը կարճվել են,

30-ը նախաքննության փուլում են,

1-ը միացվել է,

1-ը կասեցվել է,

3-ն ուղարկվել են դատարան, դատաքննության փուլում են։

2022 թ. ընթացքում ՀՀ ոստիկանությունում հրավիրվել է կարգապահական հանձնաժողովի 7 նիստ, որի ընթացքում քննարկվել է ոստիկանության 36 ծառայողի վերաբերյալ իրականացված ծառայողական քննությունների 35 նյութ:

Քննարկման արդյունքներով ՀՀ ոստիկանության պետի հրամաններով ոստիկանության 36 ծառայողի նկատմամբ կիրառվել են կարգապահական տույժեր, մասնավորապես՝ 2 ծառայողի հայտարարվել է «Նկատողություն», 7 ծառայողի հայտարարվել է «Խիստ նկատողություն», իսկ 27-ն ազատվել են ՀՀ ոստիկանությունում ծառայությունից:

--00—ՅՄ