ԵՐԵՎԱՆ, ՀՈՒՆՎԱՐԻ 27, 24News
Վրաց-լեհական ձեռնարկության կողմից արտադրված անօդաչու թռչող սարքերն արդեն փորձարկվել են։ Ցուցադրությանը ներկա են եղել Վրաստանի վարչապետ Իրակլի Ղարիբաշվիլին, պաշտպանության նախարար Ջուանշեր Բուրճուլաձեն, Ներքին գործերի նախարար Վախթանգ Գոմելաուրին և այլք: Այս մասին հայտնում է Ալիք մեդիան։
Վրաստանի կառավարության տարածած հաղորդագրության մեջ նշվում է, որ մարտական և հետախուզական անօդաչու թռչող սարքերը հաջողությամբ փորձնական թռիչք են կատարել։
Նշվում է, որ FLYEYE անօդաչու թռչող սարքերըը նախատեսված են բոլոր կլիմայական գոտիներում, ծանր օդերևութաբանական և ռադիոէլեկտրոնային մարտական պայմաններում բարձր ճշգրտությամբ առաջադրանքներ կատարելու համար: Համակարգն ապահովում է գաղտնի դիտարկման հնարավորություններ և տվյալների վերլուծություն իրական ժամանակում, օր ու գիշեր: WARMATE-ը մարտական անօդաչու թռչող սարք է՝ ապացուցված արդյունավետությամբ և ոչնչացման բարձր ճշգրտությամբ: Այն ունի տարբեր տեսակի մարտագլխիկներ։ Այն օգտագործվում է լեհական բանակի, ինչպես նաև ՆԱՏՕ-ի անդամ և ոչ անդամ պետությունների կողմից:
Վրաց-լեհական «Delta-Vebe» ՍՊԸ-ն հիմնադրվել է Վրաստանում «Դելտա Ինթերնեյշնլ» ՍՊԸ-ի և WB Electronics S.A.-ի կողմից, որոնք ստեղծված են «Դելտա»-ի 100% սեփական կապիտալով։ Վրաց-լեհական ձեռնարկության նպատակն անօդաչու թռչող սարքերի հավաքումն է։ Ձեռնարկությունը կկարողանա տարեկան հարյուրավոր անօդաչու թռչող սարքեր արտադրել։ Այս փուլում ընկերությունը տրամադրում է WARMATE և FLYEYE տիպի անօդաչու թռչող սարքերի հավաքման գծի սպասարկման ընթացակարգեր։
Նշենք, որ ավելի վաղ, Վրաստանի պաշտպանության նախարարը, խոսելով ՊՆ նախարարության առաջնահերթությունների մասին, ասել էր, որ Վրաստանում արտադրվում են ՆԱՏՕ-ի չափորոշիչներով հրացաններ, իսկ լեհերի հետ ստեղծված ձեռնարկությունը կաշխատի անօդաչու սարքերի վրա։
--00--ԱՀ