ԵՐԵՎԱՆ, ՀՈՒՆՎԱՐԻ 24, 24News
Ադրբեջանի արտաքին գործերի նախարարությունը հույս ունի, որ ԵՄ նոր առաքելությունը Հայաստանում չի օգտագործվի Բաքվի և Երևանի միջև հարաբերությունների կարգավորման գործընթացը խաթարելու համար։ Այս մասին ասվում է Ադրբեջանի ԱԳՆ հայտարարության մեջ, հայտնում է Sputnik Ադրբեջանը։
«Հայաստանում ԵՄ առաքելության տեղակայումը պետք է պատշաճ կերպով ապահովվի՝ հաշվի առնելով Ադրբեջանի օրինական շահերը և իրականացվի այնպես, որ չխաթարվի փոխադարձ վստահությունը»,- ասվում է հայտարարության մեջ։
Բաքուն նշել է, որ ԵՄ առաջին դիտորդական առաքելության գործունեությունն ուղեկցվել է Պրահայում ձեռք բերված պայմանավորվածությունների հետ լուրջ հակասություններով։
Ադրբեջանի ԱԳՆ-ն հույս ունի, որ նոր առաքելությունը «հաշվի կառնի անցյալի փորձը, և ԵՄ դիտորդների ներկայությունը Երևանում չի չարաշահվի»:
--00—ԶՀ