Ո՞ւմ են ուզում տեսնել Թուրքիայի նախագահի պաշտոնում ԱՄՆ-ն, Անգլիան և Գերմանիան

ԵՐԵՎԱՆ, ԴԵԿՏԵՄԲԵՐԻ 12, 24News

ros_pic4_zoom_1500x1500_57787_thumb

Թուրքական «Hurriyet» թերթի վերլուծաբան Աբդուլքադիր Սելվին մեկնաբանել է Թուրքիայի ընդդիմադիր կուսակցապետ Քեմալ Քըլըչդարօղլուի՝ Գերմանիա կատարած այցը, փոխանցում է Ermenihaber.am-ը։

Վերլուծաբանը նշում է, որ ԱՄՆ-ն, Մեծ Բրիտանիան և Գերմանիան կողմ չեն, որ քեմալականների «Ժողովրդահանարապետական կուսակցության» (CHP-ԺՀԿ) ղեկավար Քեմալ Քըլըչդարօղլուն լինի Թուրքիայի նախագահ։ Ավելին, կարծում են, որ նա չի կարողանա հաղել առաջիկա նախագահական ընտրություններում։ 

«Քըլըչդարօղլուի փոխարեն ԱՄՆ-ն, Մեծ Բրիտանիան և Գերմանիան նախընտրում են այդ պաշտոնում տեսնել նախագահի թեկնածու Էքրեմ Իմամօղլուին և հենց նրան են աջակցում»,- գրում է Աբդուլքադիրը։

Նշենք, որ Էքրեմ Իմամօղլուն ևս ԺՀԿ-ական ընդդիմադիր գործիչ է ու հիմա զբաղեցնում է Ստամբուլի քաղաքապետի պաշտոնը։

--00—ՅՄ