ԵՐԵՎԱՆ, ԴԵԿՏԵՄԲԵՐ 1, 24News
Կոտայքի մարզի Ջրաբեր գյուղում ինքնաթիռի կործանման հետևանքով զոհված անձինք ՌԴ քաղաքացիներ են։ Այս մասին ֆեյսբուքյան իր էջում հայտնել է ՀՀ արտակարգ իրավիճակների նախարարի մամուլի խոսնակ Հայկ Կոստանյանը։ «Ջրաբերում ինքնաթիռի կործանման հետևանքով մահացած 2 անձինք ՌԴ քաղաքացիներ են։ Օդաչուներ` Ա. Պ. ( ծնվ․1979թ․) և Վ. Ռ. (1983)»,– նշել է Կոստանյանը:
Ինքնաթիռը վթարի էր ենթարկվել Բյուրեղավան համայնքի Ջրաբեր բնակավայրից 1 կմ հեռավորության վրա՝ «Վանոս-Վար» ՍՊ ընկերությանը պատկանող ավազի հանքում։ Այս մասին 24News-ին հայտնեց Բյուրեղավանի համայնքապետարանի աշխատակազմի քարտուղար Լիլիթ Ավուշյանը։
Ավուշյանն հավելել էր նաև, որ վթարի հետևանքով հանքում որևէ տեխնիկա չի վնասվել, որևէ աշխատակից չի եղել մոտակայքում։
Սերգեյ Առաքելյան
--00—ԱՊ