Մայրս հիվանդ է, նրա մոտ էի․ հիմա ամեն ինչ կանեմ հավաքական վերադառնալու համար․ Օզբիլիս

ԵՐԵՎԱՆ, ՍԵՊՏԵՄԲԵՐԻ 20, 24News

736352.thumb_.jpg

Երևանի «Փյունիկի» կիսապաշտպան Արաս Օզբիլիսը Metaratings.ru-ին տված հարցազրույցում հայտարարել է, որ մտադիր է վերադառնալ Հայաստանի ազգային հավաքական, գրել է Armsport.am-ը։

-Վերջին տարին բաց թողեցիր ընտանեկան պատճառներով: Դադարից հետո քեզ ինչպե՞ս ես զգում:

-Հիմա ամեն ինչ լավ է: Ես երկար ժամանակ չէի մտածում ֆուտբոլի մասին: Մայրս հիվանդ է, ես մեկնեցի Նիդերլանդներ և մեկ տարի անցկացրեցի նրա հետ: Բարդ ժամանակներ ենք ապրել, բայց դրանք անցել են: «Այաքսի» ակադեմիայում ես աշխատում էի թիմերից մեկի հետ, և ինձ առաջարկեցին մարզչական դասընթացներ անցնել: Այդ ժամանակ ես հասկացա, որ կարոտում եմ ֆուտբոլն ու պատրաստ չեմ ավարտել կարիերաս: Ես ցանկանում եմ խաղալ:

-Հայաստանի հավաքական վերադարձը հիմա իրատեսակա՞ն է քեզ համար:

-Ես ամեն ինչ անում եմ դրա համար, կփորձեմ: Հայաստանի հավաքականի կազմում ելույթներս չեմ ավարտել: Երբ առաջին անգամ միացա «Փյունիկին», 2 ամիս անց իմացա, որ մայրս հիվանդ է քաղցկեղով: Այդ ժամանակ ես դադարեցի որևէ այլ բանի մասին մտածել: Հիմա նորից վերադարձել եմ ֆուտբոլի մասին մտքերին և կանեմ ամեն ինչ, որպեսզի հայտնվեմ հավաքականում և լինեմ լավ մարզավիճակում:

 --00—ԶՀ

 

Տեսանյութեր