Սրանց ու մեր տարբերությունը գիտե՞ք որն է, որ անբարոյական չենք․ Խամոյանն արձագանքել է Մարուքյանին

ԵՐԵՎԱՆ, ՕԳՈՍՏՈՍԻ 5, 24News

նկար

«Հայաստան» խմբացության պատգամավոր Ագնեսա Խամոյանն արձագանքել է Հատուկ hանձնարարություններով դեսպան Էդմոն Մարուքյանի գրառմանը, թե «Հայաստանի ներսից Ադրբեջանին օգնում են»։

«Սրանց(երբեմնի «ընդդիմադիր» «Նիկոլ ու ընկերներ» ՓԲԸ) ու մեր տարբերությունը գիտեք ո՞րն է, որտե՞ղ ենք մենք՝ որպես ընդդիմություն «պարտվում» սրանց, որ անբարոյական չենք, այո, սիրելի հայրենակիցներ, հենց «Նիկոլ ու ընկերներ»-ի չափ բարոյականության ոչ մի արգելակ, ոչ մի սահման չճանաչենք, հանուն իշխանության ճանապարհին չմտածենք, թե մեր քայլերն ի՞նչ հնարավոր վնաս կարող են տալ պետությանը, Ադրբեջանն ինչպե՞ս դա կօգտագործի (հանուն սրանց իշխանության պահպանության), ի՞նչ ռազմական գործողություն կսկսի, քանիսը կզոհվեն, երկիր վերջում՝ կլինի, թե՝ չէ, հենց այս վտանգները ստորադասենք իշխանությունը վերցնելուց, այո, գուցե և ավելի արագ հաջողենք սրանց հեռացնելու հարցում։

Այո,կարող եք քննադատել, թե այդ դեպքում՝ ինչո՞ւ անբարոյական չենք։

Դա խոսելու մեկ այլ թեմա է, հիմա Էդմոնի բարոյականության մասին․
Ալիևի հետ խաղեր տաք, պատերազմը չկանխեք, հոկտեմբերի 19-ին չկանգնեցնեք, հազարավորներին զոհեք, հետո ցինիկաբար հայտարարեք՝ «դե արդյունքը նույն էր լինելու, բայց առանց զոհերի», «գերիները մի քանի ամիս էլ կսպասեն», «խաղաղություն» գոռալով ժողովրդին մոլորեցնեք, քվեն խլեք ու էլի նոր կորուստների տանեք, նոյեմբերի 9-ից հետո ադրբեջանցի բարձրաստիճան պաշտոնյաների ու զինվորականների հետ Արցախի չեղած նախագահ Արայիկ Հարությունյանով սիլիբիլի անեք, խոստումներ տաք Բերձորը շրջանցող ճանապարհի կառուցման, ժամկետների վերաբերյալ, առանց պլանի հաստատման Ադրբեջանի կողմից իրականացվող ճանապարհի շինարարության վերաբերյալ ծպտուն չհանեք, հետո լուրջ դեմքով աչքերներդ ճպճպացնեք ու ընդդիմությանը մեղադրեք ժողովրդին հետպատերազմյա ձեր դավադիր պլանների մասին ասելու համար։
Էդմոն, սա է քո բարոյականությունը: Ապացուցի՛ր հակառակը, Նիկոլի հատուկ գործերով դեսպան, կանգնիր և ասա հայ ժողովրդին, որ ադրբեջանցիներին նոր ժամկետ եք խոստացել՝ մինչև օգոստոսի ավարտ ազատել Բերձորը, ու նոր էսկալացիան սարերի հետևում չէ։

Հ. Գ. Ի դեպ, եթե ես էլ բարոյականություն չունենայի, կարող էի պնդել, թե կեսգիշերին ուշ տանդ դուռն ով է թակում, ծրարով որքան գումար է բերում այս ծառայություններիդ դիմաց, հեռուներից էլ ինչ խաբար, բայց ես ձեզ նման չեմ»,-գրել է Ագնեսա Խամոյանը։

--00—ԼՄ