ՊՆ պարզաբանումը՝ եռամսյա հավաքի մասնակցի մահվան վերաբերյալ

ԵՐԵՎԱՆ, Օգոստոսի 4, 24News

b881691db1f6ad57cedab59cf362d689_M.jpg

Օգոստոսի 3-ի լույս 4-ի գիշերը քնած ժամանակ հանկարծամահ էր եղել ՀՀ ՊՆ N զորամասի եռամսյա վարժական հավաքի մասնակից, պահեստազորային շարքային, 44-ամյա Ատոմ Ռազմիկի Հարությունյանը։

Yerevan.Today-ը պարզաբանման համար դիմել է Պաշտպանության նախարարություն հարցմամբ՝ արդյո՞ք վարժական հավաքների տեղափոխելուց առաջ պատշաճորեն ստուգվում է մասնակիցների առողջական վիճակը և այս դեպքում ինչ խնդիրներ են նախապես հայտնաբերվել։

«Զորահավաքի մասնակցի մահվան հանգամանքները քննության և նշանակված դատաբժշկական փորձաքննության արդյունքում կպարզվեն։ Զինկոմիսարիատին եռամսյա հավաքի մասնակիցը ներկայացրե՞լ է իր առողջական վիճակի կամ գանգատների մասին  բժշկական փաստաթղթեր, չեմ կարող հայտնել, քննություն է ընթանում»,- Yerevan.Today-ի հետ զրույցում ասել է ՊՆ խոսնակ Արամ Թորոսյանը` ընդգծելով, որ, համենայն դեպս, եռամսյա վարժական հավաքների բոլոր մասնակիցները ըստ ընթացակարգի անցել են բուժզննություն։ Կառավարության 404 և 405 որոշման համաձայն, այդ հետազոտություններից հետո է որոշվում քաղաքացու՝ զորահավաքի ներգրավվելու և ծառայության համար  վերջինիս պիտանի լինել-չլինելու հանգամանքը։

Այսինքն՝ զորահավաքի կանչված բոլոր քաղաքացիների իրավունքներն այս դեպքում հավասարեցվում են պարտադիր զորակոչման ենթակա զինծառայողների հետ։

Իսկ թե ինչ է արձանագրվել տվյալ դեպքում, արդյոք տղամարդն ունեցե՞լ է հիվանդություն, գանգատներ և մի շարք այլ հանգամանքներ, հետագայում քննությունը կպարզի։

Yerevan Today-ի աղբյուրները հայտնել են Ատոմ Հարությունյանի բնակության վայրի մասին տեղեկություն։ Առայժմ միայն նշենք, որ նա Լոռու մարզից է և հենց Լոռու զինկոմիսարիատից է ներգրավվել եռամսյա վարժական հավաքների:

Հանձնաժողովի բուժզննություն նա անցել է։

--00--ԶՀ

 

 

 

 

 

Տեսանյութեր