Ավտովթար՝ Արմավիրի մարզում բախվել են Opel Vectra-ն և Opel Astra G-ն, կան վիրավորներ

ԵՐԵՎԱՆ, ՄԱՅԻՍԻ 20, 24News

ավտովթար

Երեկ՝ մայիսի 19-ին, ավտովթար է տեղի ունեցել Արմավիրի մարզում, հայտնում է shamshyan.com-ը։ 

Ժամը 18։30-ի սահմաններում Երևան-Արմավիր ավտոճանապարհի՝ Մայիսյան գյուղի վարչական տարածքում բախվել են Արմավիրի մարզի բնակիչներ՝ 54-ամյա Մանուկ Դ-ի վարած Opel Vectra մակնիշի և 63-ամյա Սմբատ Մ-ի վարած Opel Astra G մակնիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 հոգի մարմնական վնասվածքներով տեղափոխվել են «Մեծամոր» բժշկական կենտրոն։ 

Օպերատիվորեն ժամանել են ճանապարհային ոստիկանության 2-րդ սպայական գումարտակի 1-ին վաշտի 1-ին դասակի ծառայողները՝ վաշտի հրամանատար Գրիգոր Պողոսյանի, դասակի հրամանատար Մառլեն Սարգսյանի գլխավորությամբ։ 

Տեղում հետաքննական աշխատանքները ղեկավարել է նույն վաշտի ավագ հետաքննիչ Նարեկ Պետրոսյանը, ում կողմից փաստի առթիվ նյութեր են նախապատրաստվում։ 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

--00--ԱԱ

Տեսանյութեր