ԵՐԵՎԱՆ, ՄԱՅԻՍԻ 16, 24News
Երեկ՝ մայիսի 15-ին, խոշոր ավտովթար է տեղի ունեցել Շիրակի մարզում: Ժամը 21:30-ի սահմաններում Արթիկ-Ալագյազ ավտոճանապարհի 2-րդ կմ հատվածում՝ Արթիկի գաղութի հարևանությամբ, բախվել են Շիրակի մարզի բնակիչներ, 38-ամյա Վաղարշակ Չ.-ի վարած Toyota Rav4 մակնիշի և 33-ամյա Ավետիք Պ.-ի վարած Mercedes մակնիշի ավտոմեքենաները:
Ինչպես հայտնում է ֆոտոլրագրող Գագիկ Շամշյանը, բախման հետևանքով Mercedes-ը կողաշրջվել է, իսկ Վաղարշակ Չ.-ն և Mercedes-ի ուղևորներ, Շիրակի մարզի բնակիչներ, 27-ամյա Լ. Պետորսյանը, 63-ամյա Խ. Պետրոսյանը, 58-ամյա Գ. Ավագյանը մարմնական վնասվածքներով տեղափոխվել են «Արթիկ» բժշկական կենտրոն: Օպերատիվորեն ժամանել է Արտակագ իրավիճակների նախարարության փրկարար ծառայության Արթիկի թիվ 49 հրշեջ-փրկարարական ջոկատից 1 մարտական հաշվարկ: Հրշեջ-փրկարարները հոսանքազրկել են ավտոմեքենաները, փակել գազաբալոնների փականներն ու սահմանազատել տարածքը:
պերատիվորեն ժամանել են նաև ՀՀ ոստիկանության պարեկային ծառայության Շիրակի մարզի գումարտակի 2-րդ վաշտի 2-րդ դասակի պարեկները՝ դասակի հրամանատար Ռուբեն Գրիգորյանի գլխավորութամբ: Տեղում ուժեղացված ծառայություն են կատարել նույն դասակի պարեկներ Շիրազ Ալեքսանյանն ու Լևոն Բաղդասարյանը: Տեղում հետաքննական աշխատանքները ղեկավարել է պարեկային ծառայության Շիրակի մարզի գումարտակի ավագ հետաքննիչ Դավիթ Ասատրյանը, ում կողմից փաստի առթիվ նյութեր են նախապատրաստվում:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
--00--ԱԱ