ԵՐԵՎԱՆ, ԱՊՐԻԼԻ 1, 24News
ԴԺՀ-ից, ԼԺՀ-ից եւ Ուկրաինայից գրեթե 550 հազար փախստական է Ռուսաստանի սահմանը հատել ռազմական հակամարտության էսկալացման սկսվելուց ի վեր. փախստականների թվում ավելի քան 110 հազար երեխաներ կան: Այդ մասին, ինչպես տեղեկացնում է «Արմենպրես»-ը, ապրիլի 1-ին ՌԻԱ Նովոստիին պատմել է արտակարգ ծառայությունների մի ներկայացուցիչը:
«Երեւանի ժամանակով 07:00-ի դրությամբ հակամարտության սկսվելուց ի վեր ՌԴ սահմանը հատել է 548,11 հազար մարդ, նրանցից 110,29 հազարը երեխաներ են»,-ասել է գործակալության զրուցակիցը: Նախօրյակին այդ թիվը կազմել է 529 հազար: Նա հավելել է, որ անցած օրվա ընթացքում Ռուսաստանի տարածք է ժամանել եւս 18,76 հազար փախստական: Քաղաքացիական բնակչության զանգվածային տարհանումը Դոնբասի հանրապետություններից սկսվել է փետրվարի կեսերին իրադրության սրվելու ֆոնին: Այնուհետեւ Ռուսաստանը ճանաչել է ԴԺՀ-ի եւ ԼԺՀ-ի անկախությունը, իսկ փետրվարի 24-ին Ուկրաինայում հատուկ ռազմական գործողություն է սկսել ապառազմականացման եւ դենացիֆիկացման ուղղությամբ:
--00--ՍԳ