ԵՐԵՎԱՆ, ՓԵՏՐՎԱՐԻ 3, 24News
ԱՄՆ-ի նախագահ Ջո Բայդենը Ֆրանսիայի պաշտոնակից Էմանուել Մակրոնի հետ քննարկել Է Ուկրաինայի շուրջ իրադրությունը: Այդ մասին հաղորդել Է Սպիտակ տունը, տեղեկացնում Է «Արմենպրես»-ը:
«Նախագահ Ջոզեֆ Ռ. Բայդեն-կրտսերն այսօր Ֆրանսիայի նախագահ Էմանուել Մակրոնի հետ խոսել Է Ուկրաինայի սահմանին ռուսական զորքերի շարունակվող ավելացման առիթով»,-ասվում Է մամուլի տեղեկագրում: Երկու ղեկավարները հաստատել են աջակցությունը Ուկրաինայի ինքնիշխանությանն ու տարածքային ամբողջականությանը, քննարկել դիվանագիտական շփումները եւ Ռուսաստանի համար «արագ ու խիստ տնտեսական ծախսերի» պատրաստումը Ուկրաինայի շուրջ իրադրության վատթարացման դեպքում, հավելել են Սպիտակ տանը:
«Նախագահ Բայդենը եւ նախագահ Մակրոնը պայմանավորվել են, որ իրենց թիմերը կմնան սերտ շփման մեջ, այդ թվում՝ ՆԱՏՕ-ի գծով դաշնակիցների եւ ԵՄ-ի գործընկերների հետ կրոնսուլտացիաների շրջանակներում»,-ասվել Է մամուլի տեղեկագրում:
Կիեւը եւ արեւմտյան պետությունները վերջերս անհանգստություն են հայտնում Ռուսաստանի կողմից Ուկրաինայի սահմանների մոտ իբր «ագրեսիվ գործողությունների» սաստկացման կապակցությամբ: Մոսկվան քանիցս հերքել Է նման մեղադրանքները, հայտարարելով, որ ոչ ոքի չի սպառնում եւ ոչ ոքի վրա չի պատրաստվում հարձակվել, եւ հայտարարություններն «ՌԴ ագրեսիայի» մասին որպես պատրվակ են օգտագործում Ռուսաստանի սահմանների մերձակայքում ՆԱՏՕ-ի ավելի շատ ռազմական տեխնիկա տեղակայելու համար, հաղորդել Է ՌԻԱ Նովոստին:
--00--ՍԳ