Մեղրիի ոստիկանները հետախուզվողի են հայտնաբերել սահմանային անցակետում

ԵՐԵՎԱՆ,  ՀՈՒՆՎԱՐԻ 29,  24 News

․

Ոստիկանության Մեղրիի բաժնի ծառայողների ձեռնարկած օպերատիվ-հետախուզական միջոցառումների շնորհիվ հունվարի 27-ին, ժամը 03.40-ին, Մեղրիի սահմանային անցակետից բերման է ենթարկվել 40-ամյա Անդրեյ Ա.-ն, որը 2021 թ. հոկտեմբերի 28-ից ոստիկանության Արաբկիրի բաժնի կողմից հետախուզվում էր ՀՀ քրեական օրենսգրքի 178-րդ հոդվածի (խարդախություն) մեղադրանքով:

Խափանման միջոցը՝ կալանք:

Հայտնաբերման մասին տեղյակ է պահվել հետախուզումը նախաձեռնողին։

--00--ԱՀ