Georgian Airways-ը չեղարկել է Թբիլիսի-Մոսկվա չվերթը․ Երևանում միջանկյալ վայրէջք է իրականացվել

ԵՐԵՎԱՆ,  ՀՈՒՆՎԱՐԻ 28,  24 News

ինքնաթիռ

 Թբիլիսի-Մոսկվա-Թբիլիսի չվերթը չեղարկելու մասին որոշումը Georgian Airways-ն ինքնուրույն է կայացրել։ Այս մասին ասված է ՌԴ օդային տրանսպորտի դաշնային գործակալության հայտարարությունում, փոխանցում է Նովոստի գրուզիան։

Վրաստանի և Ռուսաստանի միջև ուղիղ չվերթների բացակայության պայմաններում Georgian Airways-ը հունվարի 28-ին Թբիլիսիից Մոսկվա և հակառակ ուղղությամբ չարտերային չվերթ իրականացնելու թույլտվություն է ստացել։ Բոլոր տոմսերը սպառված էին, բայց այսօր ուղիղ չվերթ չի իրականացվել․ օդանավը Մոսկվա է հասել Երևանում միջանկյալ վայրէջքով։

 «Georgian Airways-ի՝ Թբիլիսի-Մոսկվա-Թբիլիսի երթուղով 2022 թվականի հունվարի 28-ին չարտերային չվերթ իրականացնելու թույլտվությունը տրվել է Օդային տրանսպորտի դաշնային գործակալության կողմից, և այն չեղարկվել է։ Չվերթը չեղարկելու որոշումը կայացրել է հենց ավիաընկերությունը»,- ասվում է հաղորդագրությունում։

--00—ՄՀ

Տեսանյութեր