Ահազանգեր են ստացվել գորշ արջերի կողմից համայնքների բնակիչներին հասցրած վնասների վերաբերյալ

ԵՐԵՎԱՆ, ՆՈՅԵՄԲԵՐԻ 19, 24News

արջ

Գորշ արջերի կողմից համայնքների բնակիչներին հասցրած վնասների վերաբերյալ ահազանգերը գտնվում են Շրջակա միջավայրի նախարարության ուշադրության կենտրոնում։

Ինչպես տեղեկացնում են ՇՄ նախարարությունից, այս ընթացքում տարվել են աշխատանքներ՝ հնարավոր լուծումներ գտնելու ուղղությամբ։ Գիտությունների ազգային ակադեմիայի կողմից իրականացվել են արջերի տարածվածության ու թվաքանակի հաշվառման, արջերի կողմից սպառնացող վտանգի գնահատման ուսումնասիրություններ։

Շրջակա միջավայրի նախարարության կողմից առաջիկայում խնդրի շուրջ շահագրգիռ կողմերի մասնակցությամբ ընդլայնված քննարկում կհրավիրվի՝ քննարկելու արջերի առանձին առնաձնյակների վարքը և բնակիչներին ու նրանց տնտեսություններին սպառնացող վտանգը մեղմելու եղանակներ։

Մարդու կողմից բնության վրա ճնշում գործադրելու հետևանքով, վերջին ժամանակներում սրվել է մարդ-վայրի բնություն կոնֆլիկտը, սակայն, ընդունված ցանկացած որոշում պետք է նախևառաջ բխի բնապահպանական շահից:

--00--ԱԹ