ԵՐԵՎԱՆ, ՆՈՅԵՄԲԵՐԻ 2, 24 News
Վարչապետի որոշմամբ՝ էկոնոմիկայի նախարարի տեղակալ Նարեկ Տերյանը նոյեմբերի 3-4-ը կգործուղվի Իրանի Իսլամական Հանրապետություն (Թեհրան)։
« Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասը՝
1․ Հայաստանի Հանրապետության էկոնոմիկայի նախարարի տեղակալ Նարեկ Տերյանին 2021 թվականի նոյեմբերի 3-4-ը գործուղել Իրանի Իսլամական Հանրապետություն (Թեհրան)՝ առևտրատնտեսական համագործակցությանն առնչվող օրակարգային հարցերը քննարկելու նպատակով։
2․ Նարեկ Տերյանի՝ Իրանի Իսլամական Հանրապետություն գործուղման հետ կապված ծախսերը և «COVID-19» ՊՇՌ նմուշառումների վճարները կատարել Հայաստանի Հանրապետության 2021 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:
3․ Հայաստանի Հանրապետության էկոնոմիկայի նախարարին` ապահովել գործուղումից վերադառնալուց հետո եռօրյա ժամկետում Իրանի Իսլամական Հանրապետություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը»:
--00—ՄՀ