ԵՐԵՎԱՆ, ՀՈԿՏԵՄԲԵՐԻ 20, 24 News
Գեղարքունիքի մարզի ողջ տարածքում շարունակվում է կորոնավիրուսի դեմ պատվաստումային գործընթացը: Այս մասին հայտնում են Գեղարքունիքի մարզպետարանից:
Մարզպետարանի առողջապահության և սոցիալական ապահովության վարչության հաղորդած տվյալներով 2021 թվականի հոկտեմբերի 20-ի դրությամբ մարզում առաջին դեղաչափով պատվաստվել է 28 701 քաղաքացի, իսկ առաջին և երկրորդ դեղաչափերով կատարվել է 43 341 պատվաստում: Պատվաստումներն իրականացվում են «ԱստրաԶենեկա», «Սպուտնիկ Վ», «Սինոֆարմ» և «Մոդերնա» պատվաստանյութերով:
Նույն աղբյուրի հավաստմամբ մարզում, նշված օրվա դրությամբ, հետպատվաստումային անբարեհաջող դեպքեր չեն գրանցվել:
--00--ԱԹ