«Անի Պլազա» հյուրանոցում գտնվող ԱՄՆ քաղաքացուց գողացել են խոշոր չափի ԱՄՆ դոլար

ԵՐԵՎԱՆ, ՀՈԿՏԵՄԲԵՐԻ 13, 24News

․

SHAMSHYAN.com-ի տեղեկություններով՝  ոստիկանության կենտրոնական բաժնի հետաքննական բաժանմունքում նյութեր են նախապատրաստվում երեկ՝ հոկտեմբերի 12-ին, ոստիկանության կենտրոնական բաժին դիմած ԱՄՆ քաղաքացու դիմումի փաստով:

Ինչպես հայտնում է ֆոտոլրագրող Գագիկ Շամշյանը, այդ օրը՝ ժամը 14:10-ի սահմաններում ոստիկանության կենտրոնական բաժին է դիմել 62-ամյա Գարիկ Ա.-ն և հայտնել, որ հոկտեմբերի 4-ի ժամը 12:00-ից մինչև հոկտեմբերի 12-ի ժամը 13:00-ն ընկած ժամանակահատվածում իր կողմից վարձակալված «Անի Պլազա» հյուրանոցային համալիրում  բացել են իրեն պատկանող  երկաթյա պահարանը և այնտեղից հափշտակել խոշոր չափի գումար:  

Ահազանգով ժամանել են ոստիկանության կենտրոնական բաժնի քրեական հետախուզության բաժանմունքի ծառայողները, ովքեր տաք հետքերով բացահայտել են կատարված հանցագործությունը: Գ. Շամշյանի տեղեկություններով՝ նշված գողությունը կատարելու կասկածանքով բերման է  ենթարկվել նույն հյուրանոցային համալիրի՝ որպես մաքրուհի աշխատող, 38-ամյա Աննա Վ.-ն:  Գ. Շամշյանի տեղեկություններով՝ նա ԱՄՆ քաղաքացուց  գողացել է  1 400 ԱՄՆ դոլար: 

--00--ԱՀ

Տեսանյութեր