ԵՐԵՎԱՆ, ՍԵՊՏԵՄԲԵՐԻ 29, 24 News
Իսպանիայում ընթացող շախմատի Աշխարհի կանանց թիմային առաջնության 4-րդ տուրի շրջանակում Հայաստանի հավաքականը հաղթեց տանտերերի՝ Իսպանիայի ընտրանուն:
Էլինա Դանիելյանը ոչ-ոքի ավարտեց պարտիան, իսկ Լիլիթ Մկրտչյանը, Աննա Սարգսյանը և Սուսաննա Գաբոյանը հաղթանակներ տարան։ Այս մասին հայտնում է Armsport.am-ը։
Արդյունքում մեր հավաքականը հաղթեց 3,5-0,5 հաշվով և այժմ զբաղեցնում է 2-րդ տեղը A խմբում։ Վերջին` 5-րդ տուրում Հայաստանի հավաքականը կխաղա խմբի առաջատար Ռուսաստանի հետ։
Նշենք, որ մրցաշարը կավարտվի հոկտեմբերի 3-ին։
--00—ՄՀ